मङ्गलबार राति १० बजे इलाका प्रहरी कार्यालय बुधनगरको टोलीले को १ च ४६१९ नम्बरको एम्बुलेन्समा गाँजा लैजाँदै गरेको अवस्थामा चालकलाई पक्राउ गरेको हो ।
मोरङका प्रहरी प्रवक्ता प्रहरी नायब उपरीक्षक रन्जनकुमार दाहालका अनुसार विशेष सूचनाका आधारमा त्यहाँ पुगेको एम्बुलेन्सलाई चेकजाँच गरिएको थियो ।
दशगजातर्फ गइरहेको एम्बुलेन्स चेकजाँच गर्दा डिकीमा लुकाएको अवस्थामा २१.५ केजी गाँजा बरामद भएको थियो ।
राजन अधिकारी फाउण्डेसन धरानद्वारा सञ्चालित एम्बुलेन्सका चालक ३८ वर्षीय गङ्गा सरकारलाई प्रहरीले गाँजा बरामद भएपछि नियन्त्रणमा लिएर जिल्ला अदालत मोरङबाट म्याद थप गरी अनुसन्धान सुरु गरेको छ ।
सरकारको साथबाट ४० हजार रुपियाँसमेत बरामद भएको छ । चालक धरान–११ निवासी हुन् ।
सीमानजिक एम्बुलेन्समा गाँजा बरामद भएपछि आसपास खोजतलास गरिएको थियो । त्यस क्रममा भारतीय बीआर ३८ एएफ ०३३६ नम्बरको मोटरसाइकल प्रहरीले बरामद गरेको जानकारी दिइएको छ ।
यसैगरी, विराटनगर–१८ बाटै खेतमा परालले छोपेर राखेको १६.५ केजी गाँजा त प्रहरीले बरामद गरेको छ ।
प्रहरीले सीमा नजिकबाट एकैदिन ४२ केजी गाँजा बरामद गरेको हो । गाँजा पक्राउ परेको स्थानदेखि सीमाक्षेत्र नजिकै पर्दछ ।
आईसिपी नजिक रहेको यो क्षेत्रबाट एक किलोमिटर दूरीमा सीमाक्षेत्र छ ।
_1.jpeg)
