स्याङ्जा - स्याङ्जामा ट्याङ्कर सडकबाट अन्दाजी दुई सय मिटर तल खस्दा दुई जना घाइते भएका छन् ।
आइतबार राति जाग्दी खोलाबाट पानी लिई मकैडाडा तर्फ जाँदै गरेको हिमाल कन्स्ट्रक्सनको ट्याङ्कर दुर्घटना हुँदा चापाकोट नगरपालिका ५ मकैडाडा बस्ने ट्याङ्करका सहचालक ३२ वर्षीय जिगर परियार र रुपन्देही उपमहानगरपालिका १८ नयाँ गाउँ बस्ने ३१ वर्षीय चालक हिरा परियार घाइते भएका हुन् ।
सहचालक स्थानीय नगर अस्पतालमा उपचार पश्चात् डिस्चार्ज भएका छन् भने चालकलाई थप उपचारको लागि गण्डकी मेडिकल कलेज पोखरा रिफर गरिएको छ ।
रातको समयमा दुर्घटना भएको बताउँदै प्रहरीले थप अनुसन्धान भइरहेको जनाएको छ ।
_1.jpeg)
