.jpg)
पोखरा- कास्की पोखरा महानगरपालिका वडा नं.१० बाट लागु औषध सहित खाजा घर सञ्चालन गरेर बसेकी एक महिला पक्राउ परेकी छिन् ।
रङ्गशाला गेट अगाडी रहेको खाजा घरमा लागू औषधको कारोबार गरेको आरोपमा प्रहरीले पोखरा १० रङ्गशाला बस्ने वर्ष ४९ की देवी माया गुरुङलाई पक्राउ गरेको हो ।
खाजा घरमा लागू औषधको कारोबार भई रहेको भन्ने सूचनाको आधारमा खानतलासी गर्दा लुकाई छिपाई राखेको लागू औषध गाँजा जस्तो देखिने पदार्थ १ किलो २८० ग्राम सहित देवीमायालाई प्रहरीले नियन्त्रणमा लिएको हो ।
वडा प्रहरी कार्यालय राम बजारबाट खटिएको प्रहरी टोलीले उनलाई पक्राउ गरेको हो ।
निजलाई पक्राउ गरी सम्मानित कास्की जिल्ला अदालतबाट लागू औषध सम्बन्धी मुद्दामा पाँच दिन म्याद थप गरी अनुसन्धान प्रक्रिया अगाडी बढाइएको प्रहरीले जनाएको छ ।
_1.jpeg)
