.jpg)
चैत्र ३, पोखरा । अर्जुनचौपारी पोखरा सम्पर्क समाजले आफ्नो पाँचौँ साधारण सभा सम्पन्न गरेको छ । समाजले शनिवार संस्थाका अध्यक्ष जमुना काफ्ले चापागाईँको अध्यक्षतामा कार्यक्रम सम्पन्न गरेको हो ।
गण्डकी प्रदेश सभासद् सुधीर कुमार पौडेलको प्रमुख आतिथ्यमा सम्पन्न भएको उक्त कार्यक्रममा संस्थालाई विशेष सहयोग गर्ने व्यक्तिहरूलाई सम्मान समेत गरिएको थियो ।
संस्थाका उपाध्यक्ष गोविन्द काफ्लेले स्वागत मन्तव्य राखेको उक्त कार्यक्रममा अक्षय कोष स्थापना सँगै भिन्न सहयोग गर्ने संस्थाका निवर्तमान अध्यक्ष डा.भवानी शङ्कर पौडेल र विशेष सहयोग गर्ने रामचन्द्र पौडेललाई समाजले सम्मान गरेको हो ।
संस्थाका कोषाध्यक्ष महेश्वर रिमालले आर्थिक विवरण पेस गरेको उक्त कार्यक्रमको सञ्चालन समाजका सचिव गोविन्द सापकोटाले गरेका थिए ।
कार्यक्रममा अर्जुनचौपारी गाउँपालिका उपाध्यक्ष सपना गुरुङ , स्याङ्जाली सम्पर्क सदन पोखराका अध्यक्ष तारा गौतम , समाजसेवी शैलेन्द्र घिमिरे सँगै अर्जुनचौपारीबाट पोखरा आएर विभिन्न पेसा व्यवसायमा संलग्न व्यक्तिहरूको उपस्थिति रहेको थियो ।
_1.jpeg)
