नेपाल आयुर्वेद औषधि व्यवसायी सङ्घ , गण्डकी प्रदेशले स्याङ्जाको फेदिखोलामा निःशुल्क आयुर्वेद स्वास्थ्य शिविर सम्पन्न गरेको छ । संस्थाका अध्यक्ष दीपक भुसालको अध्यक्षता , जनक पराजुलीको प्रमुख आतिथ्य , कृष्ण राउतको संयोजन एवम् अमोर सेवा नेपालले समन्वय गरेको शिविरमा २७५ जना बिरामीहरूले लाभ लिएका थिए भने करिब २ दुई लाख तेत्तीस हजारको आयुर्वेद औषधि नि:शुल्क वितरण गरिएको थियो ।
शिविरमा डा. दीपक भुसाल र डा. उत्सव पौडेलद्वारा बिरामी परीक्षण गरिएको थियो । कार्यक्रममा केन्द्रीय चार प्रदेश संयोजक राजु कुमार पौडेल , अल नेपाल होमियोपेथिक एसोसिएसन गण्डकी प्रदेश अध्यक्ष डा. विष्णु प्रसाद चापागाईँ , संस्थाका उपाध्यक्ष विष्णु शर्मा , सचिव रमेश चापागाईँ , कोषाध्यक्ष राजेन्द्र अधिकारी र सदस्य केवि थापाको उपस्थिती रहेको थियो।
संस्थाले चैत्र ३० गते रामकोटमा विशेष कार्यक्रम आयोजना गरी क्यालेन्डर विमोचन गरेको थियो । यसै गरी वैशाख १ गते अश्वगन्धा , अमला , टिमुर , सत्य जीवन , बोजो लगायतका जडीबुटी बिरुवा रोपन तथा स्थानीय आमा समूहलाई आयुर्वेद स्वास्थ्य जनचेतना कार्यक्रम र अमोर सेवा नेपाल , बालगृह लाई रु ५०,००० आर्थिक सहयोग समेत गरेको थियो।
_1.jpeg)
