पोखरा ,
प्रहरीले पोखरा महानगरबाट आइतबार भएको कक्षा १२ को सामाजिक विषयको प्रश्न पत्र आउट गर्ने दुई जनालाई पक्राउ गरेको छ ।
पोखरा महानगरपालिका वडा नं. ११ फूलबारीका ३९ वर्षीय नारायण बास्तोला र सोही ठाउँका ३७ वर्षीय रामचन्द्र बास्तोलालाई प्रहरीले कक्षा १२ को प्रश्न पत्र आउट गरेको अभियोगमा पक्राउ गरेको हो ।
वडा प्रहरी कार्यालय रामबजार र गण्डकी प्रदेश प्रहरी कार्यालयबाट समेत खटिएको प्रहरी टोलीले उनीहरूलाई पक्राउ गरेको हो ।
उनीहरूको साथबाट कक्षा १२ को थप उत्तर पुस्तिका आठ थान र तीन वटा मोबाइलसमेत नियन्त्रणमा लिइएको प्रहरीले जनाएको छ ।
कास्की जिल्ला अदालतबाट हिरासतमा राख्न अनुमति लिई उनीहरूमाथि थप अनुसन्धान भइरहेको छ ।
आइतबार ९ बजेतिर पोखरा महानगरपालिका वडा नम्बर ११ फूलबारी स्थित शिव शक्ति माविबाट कक्षा १२ को सामाजिक शिक्षा विषयको प्रश्न पत्र बाहिरिएको थियो।
_1.jpeg)
