चैत्र २०, प्रहरीले स्रोत नखुलेको करिब २८ लाख रुपैयाँसहित दुई जनालाई पक्राउ गरेको छ ।
सर्लाहीको मलंगवा नगरपालिका–९ स्थित सडकमा कालो रङको झोला पिठ्युँमा बोकी हिँडिरहेका मलंगवा–३ का कमर राजालाई प्रहरीले पक्राउ गरेको हो ।
पक्राउ परेका कमरले सो रकम सोही ठाउँका आरिफ शेखले सञ्चालन गरेको सिटी मोबाइल सेन्टरबाट ल्याएको भनेपछि प्रहरीले पुन थप १८ लाख रुपैयाँसहित अर्का एक व्यक्तिलाई पनि नियन्त्रणमा लिएको हो ।
सर्लाही सदरमुकाम मलंगवाबाट स्रोत नखुलेको करिब २८ लाख रुपैयाँसहित दुई जनालाई प्रहरीले नियन्त्रणमा लिएको छ । १० लाखसहित पक्राउ परेकाको बयानका आधारमा प्रहरीले थप करिब १८ लाख रुपैयाँसहित अर्का एक व्यक्तिलाई पनि नियन्त्रणमा लिएको हो ।
प्रहरीले पसलमा कानुन बमोजिम खानतलासी गर्दा र्याक भित्र राखिएको खैरो रङको कपडाको झोला भित्र १ हजार दरको १ हजार ४ सय ५४ थान, ५ सय दरको ६ सय २२ थान, १ सयको १ सय ९ थान, ५० र २० को एक–एक थान गरी थप १७ लाख ७५ हजार ९७० रुपैयाँ बरामद गरेको हो ।
प्रहरीले उनीहरू अवैध सुनको कारोबारी भएको आशङ्का गरेको छ । साथै उनीहरूमाथि थप अनुसन्धान भइरहेको छ ।
_1.jpeg)
