वैशाख १८ गते। मुस्ताङको तीर्थस्थल मुक्तिनाथबाट जोमसोम जाँदै गरेको प्रदेश ३–०१–००६ ख ६२२ नम्बरको बस आज बिहान ९ बजेतिर कागबेनी मोडनजिकै दुर्घटना हुँदा २१ जना घाइते भएका छन्।
घाइतेको अवस्था सामान्य रहेको र आठ जना डिस्चार्ज भइसकेको प्रहरीले जनाएको छ ।
ब्रेक फेल भएर दुर्घटना भएको बसमा काठमाडौंको लिबर्टी कलेजका विद्यार्थी भएको खबर छ ।
प्रहरी र स्थानीयको सहयोगमा बाटोबाट बस हटाएर यातायात सुचारु गरिसकिएको छ।
प्रहरीका अनुसार घटना सम्बन्धमा थप अनुसन्धान भइरहेको छ ।
_1.jpeg)
