जेठ ३, पेट्रोलियम पदार्थको मूल्य घटेको छ । नेपाल आयल निगमको बुधबार बसेको सञ्चालक समिति बैठकले पेट्रोल, मट्टितेल र डिजेलको मूल्य घटाएको हो ।
निगमका अनुसार भारतबाट पेट्रोलमा प्रतिलिटर ७ रुपैयाँ र डिजेल/मट्टितेलमा ५ रुपैयाँ घटेर आएकोले आजदेखि लागु हुने गरी पेट्रोल र डिजेलको मूल्य घटाएको हो ।
हाल पेट्रोलको अधिकतम मूल्य १७८ रुपैयाँ प्रतिलिटर रहेकामा अब त्यो १७१ रुपैयाँमा झरेको छ । डिजेल र मट्टितेलको मूल्य अधिकतम १५९ रुपैयाँ रहेकोमा अब त्यो १५४ रुपैयाँ कायम भएको छ ।
_1.jpeg)
