स्याङ्जामा गस्तीमा रहेका प्रहरी असई माथि कुटपिट गर्ने दुई युवा पक्राउ परेका छन् ।
स्याङ्जाको वालिङमा गस्तीमा रहेका प्रहरी असई माथि कुटपिटमा संलग्न रहेको आरोपमा वालिङ नगरपालिका–१२ का काजी गुरुङ र सुदीप गुरुङलाई प्रहरीले पक्राउ गरेको हो ।
शनिवार राती साढे १० बजे तिर गस्तीमा रहेको बेला युवाहरूको समूहले प्रहरी माथि आक्रमण गरी घाइते बनाएका थिए ।
यतिबेला घाइते भएका वालिङ नगरपालिका–१३ मा रहेको थुमपोखरा प्रहरी चौकीका इन्चार्ज असई मोहन सिंहको पोखरा स्थित गण्डकी मेडिकल कलेज तथा शिक्षण अस्पतालमा उपचार भइरहेको छ । त्यस्तै घटनामा संलग्न रहेका भनिएका अर्का युवा रविन गुरुङ घाइते भएको र उनको पनि पोखरामा नै उपचार भइरहेको प्रहरीले जनाएको छ ।
प्रहरीका अनुसार घटना सम्बन्धमा थप अनुसन्धान भैरहेको छ ।
_1.jpeg)
