वैशाख २३, नेपालमा ६० प्रतिशत एकल परिवार रहेको तथ्याङ्क सार्वजनिक भएको छ ।
जनसङ्ख्या साक्षरता पुस्तक तथा जनसाङ्ख्यिक सूचकहरू सार्वजनिक गर्दै राष्ट्रिय तथ्याङ्क कार्यालयअन्तर्गतको जनसङ्ख्या शाखाका निर्देशक ढुण्डिराज लामिछानेले यो तथ्याङ्क प्रस्तुत गरेका हुन् ।
परिवारको संरचनाले पनि हरेक कुराहरू आर्थिक तथा सामाजिक संरचनाहरूमा सकारात्मक वा नकारात्मक प्रभाव पार्दछ । सार्वजनिक भएको पछिल्लो तथ्यांक अनुसार नेपालमा अहिले ६० प्रतिशत एकल परिवार रहेका छन् ।
त्यस्तै ४० प्रतिशत संयुक्त परिवारमा बसोबास गर्दछन् । मधेश प्रदेशमा संयुक्त परिवारको अवधारणा बढी छ । बागमतीमा एकल परिवार बढी छ भने संयुक्त परिवार बसोबास गर्ने प्रदेशमा बागमती अन्तिममा पर्छ ।
_1.jpeg)
