पोखरा, १२ कात्तिक । पोखराको पुम्दीभुम्दीमा बस दुर्घटना हुँदा ३५ जना घाइते भएको खबर छ ।
छोरेपाटनबाट पुम्दीकोट जाँदै गरेको ग १ ख ८५८५ नम्बरको बस घैया खेत भन्ने ठाउँमा दुर्घटना भएको हो ।
वडा प्रहरी कार्यालय बैदामका इन्चार्ज तथा प्रहरी नायव उपरीक्षक राजेन्द्र श्रेष्ठका अनुसार घाइतेलाई उद्धार गरेर पश्चिमाञ्चल क्षेत्रीय अस्पताल लगायतका अस्पतालमा लगिएको छ ।
घाइते मध्ये ७ को अवस्था गम्भीर रहेको प्रहरीले जनाएको छ ।
पोखरा यातायात प्रालिको उक्त बस शान्ति स्तुपा हुँदै महादेव मन्दिरसम्म चल्ने बस हो।
दुर्घटना स्थल उकालो भएको र दुर्घटनाको यकिन कारण थाहा लागिसकेको छैन ।
_1.jpeg)
