पोखरा, २२ गते कात्तिक । पोखरा महानगरपालिका वडा नम्बर २१ निवासी सिवानी गौतम सम्पर्कविहीन भएको भन्दै खोजी गरिदिन परिवारले अनुरोध गरेको छ ।
१८ वर्षीय सिवानी यही कात्तिक १८ गते घरबाट निस्केको र हालसम्म घर नफर्केको भन्दै परिवारले सम्बन्धित सबैमा खोजी कार्य गरिदिन अनुरोध गरेको हो ।
घरबाट कोही कसैलाई नसोधी हिँडेकी र हालसम्म घरमा फर्की नआएकी, आफन्त, स्टमित्र समेतको सम्पर्कमा नआएकी हुँदा खोजतलास गरी पाउँ भनी प्रहरी कार्यालयमा समेत निवेदन टिपाएको परिवारले जनाएको छ ।
गहुँ गोरी र पातलो शरीर भएकी सिवानीलाई भेट्ने जो कसैले नजिकको प्रहरी कार्यालयमा सम्पर्क गरेर सहयोग गरिदिन परिवारले अपिल गरेको छ ।
पारिवारिक स्रोतका अनुसार खैरो रङको थाई कट काटेको कपाल रहेको र हराएको बखत कम्व्याड टिसर्ट र कालो सुरुवाल लगाएकी बुझिएको छ ।
_1.jpeg)
