जनकपुरधाम–ढल्केबर सडक-खण्डको मिथिला नगरपालिका–२ स्थित विश्वकर्मा चोकमा सोमबार राती भएको दुर्घटनामा एकजनाको ज्यान गएको छ ।
एम्बुलेन्स र मोटरसाइकल एकआपसमा ठोक्किँदा मिथिला नगरपालिका–३ हरिहरपुर बस्ने मोटरसाइकल चालक करिब २२ वर्षीय जितेन्द्र महतोको ज्यान गएको छ भने मोटरसाइकलमा सवार दोश्रो व्यक्ति घाइते छन्।
जनकपुरबाट ढल्केबरतर्फ जाँदै गरेको प्र २–००२–००१ च ०७१२ नम्बरको पवित्रि हेल्थ केयर विष्णुपुर सिरहाको एम्बुलेन्सले ज ११ प १९१ नम्बरको मोटरसाइकललाई ठक्कर दिँदा दुर्घटना भएको हो ।
गम्भीर घाइते भएका महतोलाई उपचारका अस्पताल लैजाँदै गर्दा बाटोमै ज्यान गएको हो ।
दुर्घटनामा गम्भीर घाइते भएका २५ वर्षीय सरोजकुमार महतोको न्यूरो अस्पताल जनकपुर उपचार भैरहेको प्रहरीले जनाएको छ ।
प्रहरीका अनुसार दुर्घटना सम्बन्धमा थप अनुसन्धान भैरहेको छ ।
_1.jpeg)
