चैत्र १७, माध्यमिक शिक्षा परीक्षा (एसइई) को परीक्षामा विद्यार्थीहरूले मोबाइल प्रयोग गरेको भेटिएको छ ।
शुक्रवार रौतहटका गौर, चन्द्रपुर, गरुडा समनपुरलगायत जिल्लाका ३१ वटा परीक्षा केन्द्रबाट पाँच सय भन्दा बढी मोबाइल बरामद भएका छन् ।
प्रमुख जिल्ला अधिकारी हिरालाल रेग्मी, जिल्ला शिक्षा विकास तथा समन्वय इकाई प्रमुख रामविनय सिंहसहितको अनुगमन टोलीले परीक्षा हलबाट उक्त सङ्ख्यामा मोबाइल बरामद गरेको हो ।
एसइई परीक्षालाई मर्यादित, अनुशासित एवं शान्तिपूर्ण बनाउन जिल्ला परीक्षा अनुगमन समितिका पदाधिकारीहरू अनुगमनका लागि गएका थिए ।
बरामद गरिएको मोबाइल सेटमा परीक्षा सकिएपछि फिर्ता गरिने जिल्ला प्रहरी कार्यालय रौतहटले जनाएको छ ।
_1.jpeg)
