चैत ६ गते । स्याङ्जामा आगलागीबाट १६ बाख्रा र ५० कुखुरा जलेर नष्ट भएका छन् ।
चापाकोट नगरपालिका ५ सिमामा स्थानीय ५२ वर्षीय सोमबहादुर आलेको गोठमा आगलागी हुँदा उक्त क्षति भएको हो ।
विद्युत सर्ट भएर आगलागी भएको स्थानीय चन्द्र बहादुर रानाले जनाकारी दिए ।
गोठबाट आगोको मुस्लो देखिएपछि स्थानीयले गुहार मागेका थिए । त्यसको केही समयमा स्थानीय र प्रहरीको सहयोगमा आगो नियन्त्रणमा आएको थियो ।
यसबाट किसानलाई करिब तीन लाखको क्षति भएको अनुमान गरिएको छ ।
_1.jpeg)
