फाल्गुन २६ गते, तनहुँ । चितामा आगो लगाउने क्रममा जलेर दुई जना घाइते भएका छन् । चितामा पेट्रोल प्रयोग गरी आगो सल्काउने क्रममा तनहुँको देवघाट गाउँपालिका वडा नम्बर २ दराइटारमा शुक्रवार दुई जना घाइते भएको प्रहरीले जनाएको छ ।
चितामा लगाएको आगोको लप्काले जलेर देवघाट गाउँपालिका–२ डिगाउँ बस्ने ५२ वर्षीय नरबहादुर चितौरे र २७ वर्षीय लक्ष्मण सारु घाइते भएका हुन् ।
घाइते दुवै मलामीको चितवनस्थित मेडिकल कलेजमा उपचार भइरहेको जिल्ला प्रहरी कार्यालय तनहुँले जनाएको छ ।
तनहुँको देवघाटका ७४ वर्षीय रनबहादुर दर्लामीको मृत्यु भएको र उक्त समयमा दोमासे परेको भनी कालीगण्डकी नदी किनारमा परम्परा अनुसार कुशको लास बनाइ कुशको चितामा पेट्रोल प्रयोग गरी आगो लगाउने क्रममा उनीहरूलाई आगोको लप्काले भेटेको थियो ।
_1.jpeg)
