फाल्गुन २७, आफूलाई निरुता थापा बताउने अन्दाजी १६ वर्षीय बालिका अलपत्र अवस्थामा भेटिएकी छिन् । बालिका अलपत्र अवस्थामा भेटिएर जिल्ला प्रहरी कार्यालय धादिङमार्फत सेफ हाउसमा रहेको खबर हामीलाई प्राप्त भएको छ ।
बुबाको नाम ललित थापा र आमाको नाम सीता थापा ,घर बागलुङ ताराखोला बताए पनि बालिका यकिन भन्न नसक्ने अवस्थामा रहेको प्रहरीले जनाएको छ ।
प्रहरीका अनुसार बालिका कसैको फोन नम्बर र अरू पारिवारिक विवरण बताउन नसक्ने (बौद्धिक समस्या भएकी ) अलपत्र अवस्थामा भेटिएकी हुन् ।
प्रहरीले बालिकाको आफन्त/घर परिवारलाई सम्पर्कमा आउन समेत अनुरोध गरेको छ । बालिकालाई चिन्ने जो कसैले जिल्ला प्रहरी कार्यालय धादिङ र सहयात्री समाज नेपालमा सम्पर्क गर्न अनुरोध गरिएको छ ।
_1.jpeg)
