चैत्र १० गते । तनहुँको म्याग्दे गाउँपालिका–६ शेराटारमा पर्यटक बस दुर्घटना हुँदा छ जना घाइते भएका छन् ।
पृथ्वी राजमार्गमा पर्ने तनहुँको म्याग्देमा शनिवार बिहान ६:२५ बजे पर्यटक बस दुर्घटना हुँदा छ जना चिनिया पर्यटक घाइते भएका हुन् ।
पोखराबाट काठमाडौँ जाँदै गरेको बा १ प ११३९ नं. को पर्यटक बस सडकको दायाँ साइडमा पल्टिँदा घाइते भएको जिल्ला प्रहरी कार्यालय तनहुँले जनाएको छ । प्रहरीका अनुसार बसमा २६ जना सवार थिए ।
घाइते हुनेहरूमा ५० बर्यीय सुन लि, ५७ बर्यीया हुक्सिया लि, ६२ बर्यीय वाङ वि डोङ, ६७ बर्यीय कियो मेङ, ६८ बर्यीय छुचेङ र ७० बर्यीय लियो या छिङ रहेका छन् ।
घाइते सबैको शुक्ल गण्डकी नगरपालिकाको बेल चौतारा स्थित जिपी कोइराला श्वासप्रश्वास उपचार केन्द्रमा उपचार भइरहेको छ ।
चालकलाई नियन्त्रणमा लिइएर थप अनुसन्धान थालिएको प्रहरीले जनाएको छ ।
_1.jpeg)
