साउन १९ गते , पोखरा । यातायात व्यवस्था कार्यालयले पोखरा महानगरपालिका भित्र सञ्चालित पोखरा यातायात प्रालि अन्तर्गत सञ्चालित बसहरूको प्रदूषण परीक्षण गरेको छ ।
पोखरा यातायात प्रालि अन्तर्गत सञ्चालनमा रहेका तीन सय ७८ बसको प्रदूषण परीक्षण गरिने समेत कार्यालयले जनाएको छ ।
यातायात व्यवस्था कार्यालयका अनुसार प्रदूषण परीक्षणमा अनुत्तीर्ण सवारीहरुलाई पुनः मर्मतका लागि पठाइने छ ।
मापदण्ड अनुसार परीक्षण मेसिनले गाडीको धुँवाको ‘डेन्सिटी’ हेर्ने र ३० प्रतिशत सम्म आउने उत्तीर्ण र त्यो भन्दा बढी आउने अनुत्तीर्ण हुने व्यवस्था छ । साथै फेल भएका गाडी सञ्चालन गरेमा त्यस्ता सवारीले यातायात व्यवस्था ऐन अनुसार दुई हजारदेखी १० हजारसम्म कारवाही हुने व्यवस्था छ।
_1.jpeg)
