दुई जना बालिकालाई बलात्कार गरेको आरोपमा २ युवक प्रहरीको नियन्त्रणमा

सङ्खुवासभाकाे खादबारीमा दुई जना बालिकालाई बलात्कार गरेको आरोपमा २ जना पक्राउ परेका छन्। खाँदवारि बजार आएका १६ बर्सिया र १७ बर्सिया बालिका बलात्कार गरेको उजुरीका आधारमा दुई जना पक्राउ परेका हुन् ।

पक्राउ पर्नेमा चिचिला गाउँपालिका-२ का ३५ वर्षीय तुफान राई, चिचिला -३ का २८ वर्षीय प्रकाश राई पक्राउ परेको जिल्ला प्रहरी कार्यालयका प्रहरी नायव उपरीक्षक दक्ष कुमार बस्नेतले जानकारी दिनुभयो ।

आरोपित दुवै जनालाई खाँदवारि नगरपालिका-१ बाट शुक्रवार पक्राउ गरिएको हो । उनीहरूले दुई जना बालिकालाई प्रलोभनमा पारेर ललाइफकाइ बलात्कार गरेको भन्दै पीडित पक्षले  जिल्ला प्रहरी  कार्यालयमा उजुरी दिएको थियो ।

प्रहरीले आरोपित विरुद्ध  जिल्ला अदालत सङ्खुवासभाबाट आइतबार म्याद थप गरेर अनुसन्धान भई रहेको प्रहरीले जनाएको छ ।