पोखरा, फाल्गुन १७ गते । सेती नदीमा माछा मार्ने क्रममा हराएका भनिएका सार्की लामा तामाङ (मान बहादुर तामाङ) आज पनि नभेटिएको खबर छ ।
जिल्ला प्रहरी कार्यालयले आज बिहीबार पोखराको सेती नदीको ड्याम खोलेर हेर्दा समेत तामाङको कुनै अत्तोपत्तो लाग्न नसकेको बताएको छ ।
तामाङ नदीमा हराएको भन्दै उनको परिवारले ड्याम खोलेर खोजी गरिदिन आग्रह गरेपछि प्रहरीले आज बिहानै देखि पानीको बहाव बढाएर खोजी कार्यमा जुटे पनि उनको कुनै थाहा लाग्न नसकेको हो ।
सो सम्बन्धमा केही थाहा नलागेपछि प्रहरीले आजलाई उक्त ड्याम खोलेर गरेको खोजी कार्यलाई रोकेको जनाएको छ ।
_1.jpeg)
