चैत्र १७, पशुपति आर्यघाटमा छोराको अन्त्येष्टि गरेर घर फर्कँदै गरेका परिवारका सदस्यले समेत ज्यान गुमाएका छन् ।
गोरखाका ३९ वर्षीय शङ्कर रोकायाको ज्यान गएपछि उनको अन्त्येष्टि गरेर फर्कने क्रममा शनिवार बिहान ७:१५ बजे चितवनको इच्छा कामना गाउँपालिका-५ स्थित पृथ्वी राजमार्गको सिमल धारा नजिकै ट्याक्सी त्रिशूलीमा खसेको थियो ।
७० वर्षीय जुनकिरी रोकाय , ३५ वर्षीय अर्जुन सिर्मल, सोही ठाउँका ४१ वर्षीय हरिमाया रोकाय, २८ वर्षीय अञ्जना रोकाय, नौ वर्षीय बालक आगमन नगर कोटिको ज्यान गएको छ । शङ्करका छोरा दिवस रोकाया अझै बेपत्ता छन् ।
पारिवारिक कार्यक्रम सकेर काठमाडौँबाट तीन वटा गाडीमा फर्किँदै गर्दा दुर्घटना भएको हो । अन्य दुई गाडी मुग्लिङ आइपुगेपछि धेरै बेर कुर्दा नआएपछि उनीहरूले प्रहरीलाई खबर गरेका थिए ।
खोज्दै जाँदा सडकको डिभाइडर भाँचिएको देखेपछि त्रिशूलीमा झरेर हेर्दा ट्याक्सी खसेको भेटिएको प्रहरीले जनाएको छ ।
_1.jpeg)
