.jpg)
पोखरा । कास्कीको पोखराबाट महानगरपालिकाको घर नक्साको अभिलेख चोरी गर्ने दुई जना पक्राउ परेका छन् ।
पोखरा महानगरपालिका वडा नम्बर ८ नँयाबजार स्थित हाल सहरी स्वास्थ्य प्रवर्द्धन केन्द्र रहेको महानगरको स्टोरको रूपमा रहेको भवनको ताल्चा फोडी महानगरपालिकाको घर नक्साको अभिलेख चोरी गर्ने दुई जनालाई प्रहरीले पक्राउ गरेको हो ।
लमजुङ स्थायी वतन भई हाल जिल्ला कास्की पोखरा महानगरपालिका वडा नम्बर ९ बस्ने वर्ष २८ का सुवीर थापा मगर र सोही स्थान बस्ने वर्ष २९ का सरोज थापा मगरलाई प्रहरीले पक्राउ गरेको हो ।
गोप्य सूचनाको आधारमा वडा प्रहरी कार्यालय बैदामबाट खटिएको प्रहरी टोलीले उक्त घटनाको अनुसन्धानको क्रममा चोरी गरी नक्साका ३९ थान फाइलहरू सहित उनीहरूलाई पक्राउ गरेको हो ।
उनीहरूलाई चोरी सम्बन्धी कसुरमा कास्की जिल्ला अदालतबाट ५ दिनको म्याद थप गरी अनुसन्धान प्रक्रिया अगाडी बढाइएको छ ।
_1.jpeg)
