.jpg)
धनकुटामा लेदोले भरिएको खाडलमा डुबेर दुई बालकको मृत्यु भएको छ । धनकुटा नगरपालिका –१० मार्गास्थित बिजय पोल्ट्रीफार्मले फोहोर फाल्न बनाएको खाडलमा डुबेर दुई बालकको मृत्यु भएको हो ।
मृत्यु हुनेमा धनकुटा नगरपालिका –१० बस्ने ११ वर्षीय मनिश खतिवडा र धनकुटा नगरपालिका –९ बस्ने १५ वर्षीय दिपेश ओझा रहेको प्रहरीले जनाएको छ । दिपेस भने एसइई दिएर विदा मनाउन मार्गा आएका थिए ।
बिहान खाना खाएर घरबाट निस्किएका उनीहरु दिउँसो मृत फेला परेका थिए । किन र कसरी उनीहरुको मृत्यु भयो भन्नेबारे अनुसन्धान भइरहेको जिल्ला प्रहरी कार्यालय धनकुटाका प्रहरी उपरीक्षक श्यामसिंह चौधरीले जानकारी दिनुभयो । स्थानीयले भने फर्मको लापर्बाहीका कारण दुर्घटना भएकाले घटनास्थलमा बिरोध जनाएका छन् ।
_1.jpeg)
