.jpg)
पोखरा- कास्की प्रहरीले लागू औषध मुद्दामा फरार रहेका प्रतिवादीलाई पक्राउ गरेको छ ।
अदालतको फैसलाले सजाय सुनाएपछि फरार रहेका पोखरा महानगरपालिका वडा नं. ११ काहुँडाँडा बस्ने २८ वर्षीय जस बहादुर गुरुङलाई कास्की प्रहरीले पक्राउ गरेको हो ।
वडा प्रहरी कार्यालय राम बजारबाट खटिएको प्रहरी टोलीले लमजुङ क्व्होलासोथार गा.पा. वडा नं. ८ स्थायी ठेगाना भएका गुरुङलाई लामो समय पछि पक्राउ गर्न सफल भएको हो ।
सम्मानित कास्की जिल्ला अदालतको मिति २०८० कात्तिक २३ गतेको फैसलाले गुरुङलाई लागू औषध सम्बन्धी मुद्दामा १ वर्ष ११ महिना १९ दिन कैद सजाय र १,०२,००० रुपैयाँ सजाय सुनाएको थियो ।
निजलाई आवश्यक कारबाईको लागि सम्मानित कास्की जिल्ला अदालतमा उपस्थित गराइएको प्रहरीले जनाएको छ ।
_1.jpeg)
