पोखरा - शनिवार पोखरामा सम्पन्न पन्ध्रौँ साधारण सभा तथा आठौँ अधिवेशनबाट सामाजिक अध्ययन मञ्च कास्कीको अध्यक्षमा गोविन्द काफ्ले निर्वाचित भएका छन् ।
अधिवेशनले काफ्ले सँगै उपाध्यक्षमा नारायणी शर्मा, सचिवमा तिलक काफ्ले, कोषाध्यक्षमा बृहस्पति लम्साल र सह-सचिवमा केशव प्रसाद भट्टराई सर्वसम्मत निर्वाचित भएका हुन् । त्यस्तै सदस्यहरूमा डिलकुमारी पौडेल, दीपकराज सापकोटा, हेम सुवेदी, रामप्रसाद ढकाल, बबिता सारू थापा, दया सागर पौडेल र विचित्र न्यौपाने सर्वसम्मत निर्वाचित भएका हुन् । 
त्यस्तै सामाजिक अध्ययन मञ्च कास्कीले केही समय अगाडी आयोजना गरेको प्रतिवेदन लेखनमा प्रथम, द्वितीय, तृतीय र सान्त्वना स्थान प्राप्त गर्ने विद्यार्थीहरूलाई पुरस्कार वितरण समेत गरिएको थियो ।
मञ्चले सोही अवसरमा नेपाली संस्कार, संस्कृति, भाषा, साहित्य, शिक्षा तथा सामाजिक गतिविधिमा योगदान दिएका डा. गेहेन्द्रमान उदास 'पोखरेली' लाई सम्मान गरेको थियो ।
_1.jpeg)
