चैत १४, नेपालमा अवैध रूपमा अनलाइन जुवा (सट्टेबाजी) सञ्चालन गर्दै आएका ११ भारतीय नागरिकलाई प्रहरीले पक्राउ गरेको छ। उपत्यका अपराध अनुसन्धान कार्यालयबाट खटिएको प्रहरी टोलीले उनीहरूलाई बूढानीलकण्ठ नगरपालिका–३, देउवा टोलस्थित भाडाको घरबाट पक्राउ गरेको हो।
प्रहरीका अनुसार पक्राउ परेका व्यक्तिहरूले अनलाइनमार्फत २ अर्ब ९६ करोड रुपैयाँभन्दा बढीको अवैध जुवा खेलाउने तथा अभौतिक मुद्राको कारोबार गरिरहेका थिए। गोप्य सूचनाका आधारमा छापा मार्दा उनीहरू जुवा सञ्चालन गरिरहेको अवस्थामा फेला परेका थिए।
पक्राउ पर्नेहरूका नाम सार्वजनिक
प्रहरीले पक्राउ परेका भारतीय नागरिकहरूको नाम सार्वजनिक गरेको छ। उनीहरूमा सनी मिणा, मोहित वर्मा, पिउस भारद्वाज, हरकेश डडैया, निशांत भारद्वाज, आकाश बर्मा, अंकितकुमार सैनी, सञ्जु शाकला, रामसिंह जाठ, लोकेश कुमार र विकास कुमार रहेका छन्।
प्रहरीले हाल उनीहरूलाई आवश्यक कानुनी कारबाहीका लागि अगाडि बढाइसकेको जनाएको छ। यस घटनाले नेपालमा बढ्दो अनलाइन जुवाको समस्या र विदेशी नागरिक संलग्न आपराधिक गतिविधिप्रति थप सतर्कता अपनाउनुपर्ने देखाएको छ।
_1.jpeg)
