काठमाडौं – काठमाडौं महानगरपालिकाको फोहोरमैला विभागको कर्मचारीको परिचय दिँदै ठगी गर्ने एक युवकलाई प्रहरीले पक्राउ गरेको छ।
प्रहरीका अनुसार पक्राउ परेका व्यक्ति दोलखाका २८ वर्षीय राजु लामा हुन्, जो हाल काठमाडौं–६ मा बस्दै आएका थिए। उनले फोहोर व्यवस्थापन शुल्कका नाममा विभिन्न स्थानबाट १३ लाख २५ हजार रुपैयाँभन्दा बढी असुल गरेको आरोप छ।
प्रहरी वृत्त नयाँ बानेश्वरबाट खटिएको टोलीले उनलाई काठमाडौं–३१ का घरहरूमा रकम उठाउँदै गरेको बेला नियन्त्रणमा लिएको हो। लामा विरुद्ध सरकारी नक्कली परिचय प्रयोग र ठगीको आरोपमा अनुसन्धान भइरहेको प्रहरीको भनाइ छ।
_1.jpeg)
