स्थानीय शिक्षक मनोज साउँदका अनुसार, करिब दुई हप्ता अघि अनिललाई कुकुरले टोकेको थियो। टाउकोमा गम्भीर चोट लागेका उनलाई सुरुमा धनगढीस्थित सेती प्रादेशिक अस्पतालमा भर्ना गरिएको थियो। केही सुधार देखिएपछि तीन दिनअघि घर ल्याइएको भए पनि स्वास्थ्यमा फेरि समस्या देखिएपछि पुनः अस्पताल लैजाँदै गर्दा डडेलधुरा नजिकै बाटोमै साँझ ६ बजे ज्यान गएको हो।
अनिलमा रेबिजका लक्षण देखा परेको बताइएको छ। पानी देख्दा डर लाग्ने, अस्वस्थता बढ्दै जाने लगायत लक्षणहरू देखिएपछि चिकित्सकले रेबिजको आशंका गरेका थिए।
बालकको असामयिक निधनपछि गाउँमा शोकको वातावरण छाएको छ। परिवारजनसहित विद्यालय र समुदायका सदस्यहरू गहिरो पीडामा परेका छन्।
कुकुरको टोकाइपछिको प्रारम्भिक सतर्कता र समयमै खोपको आवश्यकता बारे जनचेतना अभाव हुँदा देशभर यस्ता घटनाहरू दोहोरिइरहेका छन्। चिकित्सकहरूका अनुसार रेबिजको संक्रमण रोक्न सकिने भए पनि समयमै उपचार नपुग्दा जोखिम अत्यन्त उच्च हुन्छ।
स्थानीय तह, स्वास्थ्य संस्था र समुदायको समन्वयमा पशुजन्य रोगहरूको जोखिम न्यून पार्ने दीर्घकालीन पहल आवश्यक देखिएको छ।
_1.jpeg)
