 |
विद्यालयले आफ्नै प्राङ्गणमा आज माघ ९ गते श्रीपञ्चमीको अवसर पारेर उक्त कार्यक्रम आयोजना गरेको हो। कार्यक्रममा विद्यालयका संस्थापक निर्देशक मोतीराम गुरुङ, संस्थापिका चन्द्रा कुमारी गुरुङ तथा प्राचार्य शर्मिला गुरुङले आ–आफ्नो मन्तव्य राख्दै शिक्षाको महत्व, संस्कारयुक्त शिक्षा र बालबालिकाको सर्वाङ्गीण विकासमा विद्यालयको प्रतिबद्धता व्यक्त गर्नुभयो।
कार्यक्रमका क्रममा विद्यालयमा अध्ययनरत सबै विद्यार्थीहरूले भक्तिपूर्वक विद्याकी देवी सरस्वतीको पूजा–आराधना गर्दै सरस्वती वन्दना सामूहिक रूपमा गाएका थिए। शैक्षिक वातावरणमा भक्ति र संस्कृतिको समन्वय गरिएको यस कार्यक्रमले विद्यार्थीहरूमा ज्ञान, अनुशासन र संस्कारप्रति थप प्रेरणा प्रदान गरेको विद्यालयले जनाएको छ।
त्यसैगरी, विद्यालय सुरु गर्ने उमेर समूहका दर्जनौं बालबालिकाहरूले यही अवसरमा अक्षरारम्भ गरेका थिए। स–साना बालबालिकाहरूले पहिलोपटक अक्षर चिन्ने र लेखन सुरु गर्ने दृश्यले कार्यक्रमलाई थप भावनात्मक र स्मरणीय बनाएको थियो।
कार्यक्रममा शिक्षक, विद्यार्थी, अभिभावक, शिक्षाप्रेमी तथा विद्यालयका शुभचिन्तकहरूको उल्लेखनीय उपस्थिति रहेको थियो। सहभागीहरूले यस्ता धार्मिक तथा शैक्षिक कार्यक्रमले बालबालिकाको सिकाइमा सकारात्मक प्रभाव पार्ने विश्वास व्यक्त गरेका छन्।
_1.jpeg)
